Agencies, 27 July: Leicester City striker Jamie Vardy para Premier Leagues Golden Boot award jetishe. Etu toh 2019/20 season te 23 goal deya bechide ase. Vardy para prestigious individual award nemide Arsenal striker Pierre-Emerick Aubameyang (22), Southampton’s Danny Ings (22) aro Manchester City forward Raheem Sterling (20) ke jetishe.
Hoilebe tai toh Sunday din Manchester United logode Leicester’s 0-2 final day te score koribole para nai. Leicester toh hara bechide fifth te kothom hoise aro 2020/21 UEFA Europa League te compete koribole ase.
33-sal khelari toh first Leicester City player ase award lowa te aro Harry Kane bechide second Englishman ase.
Leicester manager Brendan Rodgers para club’s official website te koise, Jamies toh ami khan nemide bucha thakise- Season nemide ami khan laga Player”. “Tai toh janae team-mates nathakikena koribole naparibole. Hoilebe tai janae aro team para be janae tai khan tai nathakikena challenge te koribole naparibole”.
Manchester City’s Brazilian keeper Ederson para Golden Glove award jetishe aro City’s Kevin De Bruyne para Playmaker award jetishe.
Add Comment