Sushant case: Bihar cops Mumbai te jaboli ase

Mumbai: August 2, 2020. Sushant Singh Rajput laga suicide case oper te, Mumbai police aro Bihar police majot  namela nemite Bihar laga senior officers khan Munbai te jaikena case tuh jolti investigate kuribo koishe. Etu samay Bihar police para Mumbai crime branch’s deputy commissioner of police logot lok paikena cooperation kuriboli koishe. Bihar police para koishe ke, Rajput actor laga girlfriend Rhea Chakraborty ke sai-ase aro case tuh joti para saboli koishe. Rajput tuh tai laga ghor Bandra te June 14 darik te hang hoikena thakishe. Bihar police para chio(6) manuh laga statements record kurikena ase etu pithor te Rajput laga sister logot be kurishe. Saturday din dak te Tai laga purana girlfriend Ankita Lokhande, cook, aro sati khan logot police para kotha kurishe. Police para Rajput laga bank transaction  laga details be loishe koishe. Rhea Chakraborty ke sai-ase aro tai logot criminal procedure code (CrPC) under section laga notice be thikena police para case tuh investigate kura samay cooperate kuriboli” Bihar police officer para koishe. Visiting team khan para Andheri te Mumbai crime branch laga DCP detection-I logot be lok paishe. Mumbai city police para video lokena Bihar police team khan ke police van te loikena jaishe.  Olop bechete city police para koishe ke, tai khan ‘safety’ nemite kura ase aro olop thur dak ponchai thishe. Investigation kura tuh show ekta saa neshina hoishe, keli koile Mumbai te sucide kura tuh Bihar police para criminal case kurikena case tuh investigate kuriase. Sushant Singh Rajput laga lawyer para be koishe ke, Mumbai police khan para manuh besi laga  statements loikena samay sob jaiase aro eku tuh be nahoi. Bihar Police para Rhea Chakraborty logot   under sections 341 (wrongful restraint), 342 (wrongful confinement), 380 (theft), 406 (criminal breach of trust), 420 (cheating) aro 306 (abetment of suicide) Indian Penal Code te booked kurikena ase koishe.