Indian TV chat show te International stars khan ahiboli ase.

New Delhi. August 8, 2020. International stars neshina Christian Lee Navarro aro Anna Maria Sieklucka khan tuh Indian small screen chat show te first ahiboli ase aro tai khan besi kushi ase koishe. Chat show “Access Allowed” te nam tuh- Christian Lee Navarro (“13 Reasons Why”), Anna Maria Sieklucka (“365 Days”), Twan Kuyper (Youtube star), Tom Rhys Harries (“White Lines”), Chloe Veitch (“Too Hot To Handle”), Luke Cook (“The Chilling Adventures Of Sabrina”), Johnny Orlando (Canadian singer-songwriter and actor), Zane Hijazi (Youtuber) and Michael Ronda (“Control Z”) aro dosura manuh besi thakibo. Navarro para koishe ke, “ami Indian TV chat show te first time nemite guest hoboli tuh besi kushi ase. Ami London  te thaka samay Indian sati khan besi thakishe aro Indian laga khana oper te tangor fan ase. Ami sai ase aro moi laga morom tuh show aro India logot janai ase.” Maria Sieklucka para koishe ke, moi laga sobse tangor sopna tuh India te jabole aro hosa para India te  ami first time visit kuriboli ase. Ami laga bhapana te India tuh besi sondur chaka ase aro ami Indian manuh laga colourful clothes, religion aro landscape besi kushi pai. Ami etu show te part loboli thaka te besi khusi aro ami ke show te thakli deya nemite sob manuh logot dunyabad thiase. Ami laga morom tuh India logot thiase. Etu shoe te, Duniyaa laga stars khan para nepotism, camera osor te sexuality explore, Black Lives Matter movement aro mental health aro besi kotha kuriboli koishe. Etu show tuh August 15 darik Zoom te thikaboli koishe.