Bhutan te 113 Coronavirus Cases otha nemite desh te first Lockdown junaishe

August 11, 2020.Tuesday din Bhutan te first lockdown junaishe. Desh laga manuh ekta bahar para ahikena coronavirus positive test paishe. Tai tuh quarantine paa discharged hoikena manuh khan logot osor te melikena thakishe. Capital desh Thimphu be ase koishe. Himalayan kingdom te sob melaikena 113 bemari cases hoikena ase, South Asia te sobse komti cases ase aro keman jun manuh morikena ase etu khobor tuh hesab kuri ase koishe. Bhutan tuh tourists khan logot tangor motob pai ase, March moina te American manuh ek jun logot virus positive paa beche tourism banned kurishe. Aro kuan manuh khan bahar para ahibo tai khan tuh tin(3) hafta quarantine kuriboli ordered ase koishe. Lockdown ordered deya tuh, first 27 umer Bhutanese maiki kuan Kuwait para ahishe tai ke negative test kura nemite quarantine para olaishe, hoilebi Monday din clinic te positive thurishe koishe. “etu lockdown kura tuh positive cases thaka manuh khan ke saikena alak kuribo nemite ase. Government para statement te koishe ke, Buddhist desh te 750,000  manuh thaka chaka te manuh aro gari ke peraboli restriction nemite ase. “Manuh sob ke ghor te thakina nejor aro ghor manuh khan ke bemari para pachiboli, government para koishe.Schools, institutions, offices aro commercial khan bondh thakibo aro exam be postponed kuri thishe, etu samay students aro trainees khan boarding facilities te thaka khan ke campus pithor te thakina COVID-19 protocols maiboli koishe. Officials khan para koishe ke, desh te jolti para screening thakina entry points, testing aro borders khan bondh kura nemite virus tuh asti para jaiase. Capital osor te international airport Paro te thaka be bondh kuri thishe. Flights para pasikena thaka manuh khan othaboli tuh kula ase koishe. Bemari para tourism industry ke besi komjur bonai thishe. Jaa pas(5) saal ake average te $80 million kamai thaka tuh hoilebi jaa saal tuh manuh aha te 15% para 315,600 te komti hoishe.