Sanjay Dutt lung cancer bemar thurishe

Mumbai:  August 12, 2020. Eku official confirmation tuh nai hoilebi khobor besi para koishe ke, Sanjay Dutt tuh stage 3 lung cancer thurishe koishe. Khobor para aro koishe ke, tai tuh  desh bahar te elach nemite jaishe. Tuesday din, Sanjay Dutt para koishe ke, tai tuh professional kam para “short break” loboli ase aro medical elach te saboli ase aro tai para well-wisher khan ke health nemite te mon jenat natha-kiboli koishe. 61 umer actor para tuh Lilavati Hospital te admitted kurikena ase. tai tuh saas nemite dhuk thakishe aro Monday din hospital para discharged hoishe. Twitter te Dutt para manuh laga morom aro motob nemite, tai “jolti wabaz kuribo” koishe. “ami medical elach nemite kam para olop din break loiase ase. Moi laga family aro friends khan ami logot ase aro ami laga well wishers khan logot koiase ke mon dhuk nathakibe. Apuni khan laga morom aro bhal kotha nemite ami jolti ahijabo! Koikena tai para shared kurishe. Actor para statement kowah tuh maunh khan besi tai hospitalized kura nemite kotha olashi. Sanjay tuh Bollywood stars Nargis aro Sunil Dutt laga sobse tangor chokura ase. Tai laga tuita bhuini ase— Priya Dutt aro Namrata Dutt. Aro tai Maanayata Dutt logot shati kurikena tuita bacha ase, mota ekta aro maiki ekta ase koishe. Sanjay Dutt tuh first Richa Sharma logot sathi hoikena maiki ekta Trishala Dutt koikena thakishe, hoilebi tai tuh 1996 saal te brain tumour para morishe. Tai kam kura oper te, etai Sanjay Dutt tuh tai laga film “Sadak 2” aro “Bhuj The Pride of India”film release hoboli rokiase. Etu film tuh Disney+Hotstarte thikaboli ase. Tai besi deri nathakina “KGF” aro “Shamshera” second installment te olaboli ase, etu samay Ranbir Kapoor be thakibo. Sanjay Dutt para 2019 saal te tinta(3) film bona tuh – Ashutosh Gowariker’s laga drama “Panipat”, Karan Johar para produced kora  “Kalank” aro political drama “Prassthanam”.