COVID-19: Singer SP Balasubramanyam, halat beya te ase

August 15, 2020. Singer SP Balasubrahmanyam, kuan olop din agae August moina te COVID-19 positive test paishe, tai laga halat besi beya te ase koishe. Singer ke tuh Intensive Care Unit (ICU) te jeevan pachabo nemite loikena jaishe aro etai doctors, haemodynamic aro clinical parameters khan para saikena elaj kuri ase koishe. Bulletin laga khobor hesab te, SPBalasubrahmanyam laga halat tuh August 13 darik te beya wala hoishe. Satements para koishe ke, “S P Balasubrahmanyam laga health beya hoikena MGM Healthcare te admitted kurishe, tai logot  5th August 2020 te COVID bemar thurishe. August 13, 2020 darik rati te tai laga halat tuh besi beya hosishe, expert medical team khan laga kotha hesab te, tai ke Intensive Care Unit (ICU) te loikena jaishe. Etai tai laga jeevan ke motob thiase aro besi beya te ase,” tai etu samay, tai laga experts team khan para sai ase koishe. August 13 darik din te, MGM Healthcare para koishe, SP Balasubrahmanyam tuh bhal wala ase aro oxygen levels be normal te ase koishe. Hoilebi, Thursday rati te tai laga halat tuh beya wala jaishe.