August 19, 2020. Faridabad Police para Salman Khan logot thamki deya ganster ek jun ke thurishe. Gangster laga nam toh Rahul alias Sanga alias Baba ase aro tai ke August 15 darik te Uttarakhand para thurishe aro tai ke Faridabad te investigation nemite anishe. Rahul toh boila ek jun Pravin ke morai deya te wanted ase, aro tai toh Faridabad te thaka manuh ase, aro etu saal te hoishe. Police para aro char jun manuh ke thurishe, tai khan para gangster ke motob kurishe. Police officials khan para Northeast Now te koishe ke, Rahul toh Haryana laga Bhiwani district para ase etai Hisar te thakiase. Rahul toh criminal cases besi te ase, aro tai para etu saal January moina te Salman Khan laga ghor te jaikena khobor loishe, aro koishe ke tai tuh Lawrence Bishnoi para bota ase koishe. Police officials koishe, Rahul para Lawrence Bishnoi toh tangor gangster aro tai para Salman Khan ke morai le ‘supari’ (poisa) thiboli koishe. Etai Lawrence Bishnoi toh jail te ase, aro tai para Salman khan toh 1998 saal Rajasthan te blackbuck ke morai deya case te jara nemite mori thiboli mon ase koishe. Rahul para koishe ke, Lawrence Bishnoi para jaa saal te aro dosura gangster logot Salman ke moraboli phutaishe, hoilebi etu samay parah nai. Lawrence Bishnoi toh Salman Khan oper te eku beya nai koishe, keli koile Rajasthan te Bishnoi community khan para blackbuck ke besi morom ase, etu nemite Bollywood star ke blackbuck case oper te Salman ke jara nemite Lawrence toh kushi nai koishe. Aro khobor para koishe ke sob Bishnoi community khan para Salman Khan oper te blackbuck mora nemite kosa hoikena ase.
Add Comment