New Delhi: August 24, 2020. Reality show Bigg Boss 14, etu season toh COVID-19 bemari thaka nemite olop dhuk hobo, aro show nona manuh khan para planned kurikena ek hafta nemite contestants khan ke quarantine kuribo. Bollywood superstar Salman Khan ke 11 par etu season te thakibo hoilebi fans khan aro ek moina neshina tai ke saboli rokibo lage koishe. latest khobor hesab te , show bona manuh para aro AIR darik te ek moina lamba kurishe. Etu hesab te, Bigg Boss 2020 toh 5th September para thikaboli thaka toh October moina te he Television screens te ahibo. Pinkvilla desh laga notun khobor toh, “channel aro bona manuh khan para show toh aro ek moina lamba kurishe, keli koile tai khan laga kam toh jaa hafta Mumbai te paani besi aha nemite ase. Paani para kam toh rokai thishe aro contestants khan nemite kam kotom howa nai. Hoileb, oshari kam toh janikena reality show toh October moina te otaise. Ekta source para koishe ke, show bona manuh khan para show toh October 4 darik para thikaboli koishe, hoilebi kam toh final howah nai koishe. Etu samay, celebrities khan laga nam toh internet te olaiase aro koishe ke, show bona manuh khan para nam finalized koikena nam toh– Bhasin, Pavitra Punia, Eijah Khan, Naina Singh aro dosura manuh be show laga season te thakibo, hoilebi etai dak te eku officials khobor nai koishe. Salman Khan laga designer, Ashley Rebello para Bigg Boss 14 noksa shared kurikena fans khan ke reality show toh kam keman dak jaiase etu sob thikai thishe koishe.
Add Comment