August 24, 2020. China para emergency samay, tai khan laga desh te domestic companies para COVID-19 vaccine ola joboli manishe. Chinese vaccine management law para koishe ke, officially nahowa vaccine candidate toh emergency samay manuh besi serious khan ke jolaboli hokom thishe koishe. Etai bonai thaka vaccine toh clinical trials jaiase aro etu frontline workers khan neshina—medical, bemari rokai thaka manuh, border officers aro city te bemari sai thaka manuh khan logot jalboli koishe.“ami khan plan packages toh besi bonai ase, etu pithor te medical kam, side-effect nahoboli kam, manuh ke pachaboli plan kam, manuh ke wabas poisa thiboli kam aro emergency samay kam dik kuriboli, koikena China laga coronavirus vaccine bona head, Zheng Zhongwei para janai thishe. Tai aro koishe ke, China para July 22 darik te COVID-19 vaccines toh emergency te clinical trials jai thaka toh joboli hokom thishe. Kuan khan etu vaccine first loishe tai khan parra koishe ke, komti reaction hoishe, hoilebi bemar nohoile pukar toh howah nai. Zheng para koishe ke, autumn nohoile winter season te vaccine toh kuan manuh khan khana bazaar, transport systems aro China te industries te kam kura manuh logot thiboli koishe. Etu samay China te, Sunday din dak te bahar para aha COVID-19 cases toh 16 notun paishe, etu melaikena bahar laga cases toh 2,418, hoikena ase, National Health Commission para janai thishe. Bahar cases pithor te, Shanghai te pasta(5) cases ase, Fujian, Sichuan aro Yunnan te tinta-tinta ase. Shanxi aro Shandong te ekta-ekta ase koikena commission hoita khobor te koishe.
Add Comment