New Delhi: August 28, 2020. Actress Rhea Chakraborty, kuan nemite filmstar Sushant Singh Rajput suicide hoishe, Friday phujur DRDO guest house pongchesi koikena official para koishe. Rhea Chakraborty (28) umer, logot Sushant suicide kora nemite para first time nemite Central Bureau of Investigation (CBI), para sawal koriboli ase. Official para koishe ke, tai ke central agency khan para Friday 10.30 am te kotha koboli matishe. Rajput laga girlfriend Rhea Chakraborty toh tai laga ghor para 10 am samay DRDO guest house, suburban Santacruz, te jaishe, etu chaka te CBI team khan rokina ase. CBI team khan toh city te ahikena ath(8) din wala Sushant mora case toh sai ase. Thursday din te Rhea laga bhai Showik Chakraborty logot statement record korishe. Statement recording kora toh ath(8) gonda neshina loishe koishe. Etai dak te, CBI khan para Sushant laga room osor te boha Siddharth Pithani, cook Neeraj Singh aro ghor te kam kora manuh Deepesh Sawant aro dosura manuh logot high-profile case loi ase koishe. Jaa hafta, Supreme Court para Sushant laga baba para Rhea Chakraborty aro doura manuh oper te Patna te FIR kora toh rokaina ase koishe. CBI oper te, Enforcement Directorate (ED) aro Narcotics Control Bureau (NCB) khan para be alag-alag chaka para case toh sai ase koishe. Enforcement Directorate (ED) para Rhea oper te July 31 darik te poisa chor kora nemite case registered hoikena ase etu samay Narcotics Control Bureau (NCB) para be Wednesday din financial probe agency para kowah nemite case registered ase. 34 umer actor toh, June 14 darik te tai laga ghor Bandra te hang kurikena thakishe.
Add Comment