Agencies, 28 August: Tin par champions Chennai Super Kings toh Friday din te ektum dangor dekthari olaise kelay koile tai khan laga besi phak members ke COVID-19 nemide positive ola karni. Etu khobor toh Times of India laga khobor hisaab te ase. Team toh hoilebe Friday para IPL 2020 nemide training suru koribole thaka ase kelay koile tai khan six din nemide mandatory train ing thaka toh. Hoilebe etiya tai khan quarantine te thaka toh aro otha bole olaise.
Khobor hisaab te, etu positive powa manu khan laga naam toh etiya tak najanikena ase. Hoilebe Dubai te BCCI SOP laga part hisaab te compulsory COVID-19 testing lowa samai te members ke positive test korise koise. etu nemide CSK para quarantine samai toh arobe othaideshe koise.
