New Delhi. September 6, 2020. Actress Rhea Chakraborty ke thuriboli ase koikena tai laga lawyer Satish Maneshinde para Sunday din statement te janai thishe. “Rhea Chakraborty ke thuriboli ready ase keli koile booth ke besarai neshina ase aro judi ek jun ke morom kora toh crime ase koile tai toh morom nemite sajaa kabo,” Satish Maneshinde para statement te koishe. “kolti nathaka nemite tai para court logot be Anticipatory Bail manganai. Etai Bihar Police para CBI, ED aro NCB logot case kurikena ase” tai koishe. Etu samay, Rhea toh tai ghor jarikena Sunday pujur te NCB office te jaishe. Tai ke Narcotics Control Bureau (NCB) para Sushant Singh Rajput mora case te investigation koriboli matishe. Tui din agae te, NCB khan para Rhea laga bhai Showik Chakraborty, Rajput ghor manager Samuel Miranda aro Dipesh Sawant, actor laga personal staff khan ke thurikena ase. Sushant toh June 14 darik te tai laga ghot Mumbai te morikena thaikishe. Sushant laga baba KK Singh para Rhea, Rhea laga baba Indrajit, ama Sandhya, bhai Showik, Shruti Modi, ghor manager Samuel Miranda, Sushant laga sati Siddharth Pithani aro dosura manuh oper te Bihar Police logot case filed korishe. Etai case toh CBI khan para sai ase aro etu oper te Enforcement Directorate (ED) aro NCB para be case toh melikena sai ase koishe.
Add Comment