New Delhi: September 6, 2020. Sunday din te Bollywood actor Arjun Kapoor para koishe ke tai ke COVID-19 positive test thurishe. Instagram te jaikena, actor para koishe ke, tai toh asymptomatic ase aro etai “bhal wala hoikena ase”. Arjun Kapoor toh etai doctors aro authorities khan para kowah nemite “home quarantine” te bohi ase, koikena actor para janai thishe.
“etu ami laga duty ase ke, ami ke coronavirus positive tested thurishe koboli. Moi, etai bhal wala aro asymptomatic ase. Doctors aro authorities khan para kowah hesab te ami nejor ghor te alag kurikena thaki ase”, Kapoor para koishe. “ami, tui khan sob manuh logot advance para motob kora nemite dunyabad dey ase aro ami laga health kobor toh aha din te be update kori thakibo. Etu khan toh manuh khan para nabhapa howah ase ase etu nemite ami nejor logot besas ase ke, amoi khan sob manuh be etu virus para pachikena thakibo”, Arjun Kapoor para aro koishe. Media para khobor kora hesab te, Arjun toh etu hafta agae te film bona soruh hoikena thakishe, tai bonai thaka laga film nam toh aro deya nai hoilebi romantic drama ase koishe, etu film te starring khan toh Rakul Preet Singh, Neena Gupta, John Abraham aro Aditi Rao Hydari ase koishe. Etu khobor toh, actor para film bonai thaka samay laga noksa toh Instagram te thalikena koishe. Noksa toh Arjun para lekishe ke, “kushi ase ke, kam te joti wabas kuribo. @emmayentertainment, ami khan laga film toh aro jolti bonabo, film te mon thikena kam kora nemite kushi ase. Kushi ase ke, aro kam toh asti aro hosari thakina hokom pithor te bonabo”.
Add Comment