September 10, 2020. COVID-19 bemar thaka nemite, etu saal 100 Drums Wangala Festival thakakibo koishe. 100 Drums Wangala Organising Committee khan para Asanang, committee headquarters te emergency meeting thaka samay etu fesla loishe. Asanang bosti laga Rongram Block toh Tura, West Garo Hills laga district headquarters para 18 km dhur jaikena ase koishe.
100 Drums Wangala Festival 2020 toh tin(3) din nemite November 12, 13, 14 darik thakibo thakishe. Wednesday din 100 Drums Wangala Organising Committee para statement te koishe ke, “Coronavirus bemari (Covid19) thaka nemite, 100 Drums Wangala Organising Committee laga members khan para Headquarter Asanang te emergent meeting te 100 Drums Wangala Festival 2020, Nov 12, 13, 14, 2020 toh nathakibo”. “sob manuh hosari korikena masks lakabo, social distance thakibo aro hath sapa rakibo”, koikena 100 Drums Wangala Organising Committee laga publicity committee convenor para junai thishe. Etu agricultural saal laga ceremonies toh gods aro goddesses le thanksgiving ceremony deya saal ase. Drums beat, rice beer flows, gaana kora aro dance toh kotom nahobo. Wangala Dance festival toh Garos manuh khan laga sobse important festival ase aro etu samay manuh khan dhan ola festival ase. Etu festival toh keti kam kotom hoikena dhan ola samay ase aro bosti chaka sob te drums laga awaaz honibo. Dance kora manuh khan para tuita(2) line bonabo- ekta mota aro dosura maiki hoikena dance kori thaki. Mota manuh khan drum pachikena agae te jabo aro etu samay alag-alag awaaz thibo. Hotai saal etu festival din te manuh besi jama hoikena foreign aro domestic tourists khan Asanang bosti te ahikena etu din toh mani thaki koishe. Hoilebi, COVID-19 bemari nemite, etu saal organizers khan para festival toh nathakiboli fesla korishe. Wednesday din dak te, Meghalaya te bemari cases toh 1,355 hoikena ase aro 19 manuh morikena ase koishe.
Add Comment