Agencies, 10 September: Wednesday te Chennai Super Kings pacer Deepak Chahar ke toh tui par coronavirus nemide negative test olaise. Etu para tai UAE te team logode join hobo nemide rasta khulishe. UAE te IPL toh September 19 direk te suru koribole ase.
Chahar aro ekta cricketer ke toh league nemide Dubai ponja time te positive test ola thakise.
Deepak Chahar toh COVID 19 nemide tui par negative test olaise aro team bubble te korai ahishe. Etu khobor toh CSK CEO KS Viswanathan para Wednesday din PTI ke janaideya laga ase.
Etiya BCCI protocol hisaab te tai toh cardio vascular test te jabo. Etu toh tai laga recovery laga indicator ase. Etu bechide tai ke tusara par COVID Test lobo aro judi tai negative olaise koile tai training te join koribo.
Deepak para ekta alak hotel te 14 din isolation kothom korise. Seamer korabo nemide keman samai lakibo hota te Viswanathan koise, “Etu toh tai laga recovery opor te ase. Ami timeline bonabo napari hoilebe komti hoilebe tusara jar din toh lakibo. Hoilebe etu toh confirm nahoi”.
Add Comment