Agencies, 13 September: Satursday te Mumbai Indians para ahibole Indian Premier League (IPL) season nemide theme campaign olaise.
Defending champions para fans ke safety precautions manai kena tai khan logode kushi mana te join hobole encourage kori ase.
Video te fans toh tai khan laga residences aro localities te social distancing manai kena kushi manai thakise. MI para release te etu para One Family laga spirit showcases kori koise.
IPL 2020 season toh September 19 te suru koribo aro MI toh Chennai Super Kings logode khela thakibo. MI toh CSK logode original schedule laga opening match te khelibole thaka ase hoilebe COVID19 nemide tournament toh postpone koribole ola thakise.
Etu agae te four time champions para West Indies all rounder Kieron Pollard toh UAE te tai laga family logode team te join hobo nemide ponjishe janaideya thakise. Batsman ASherfane Rutherford be Pollard logode ponjishe koikena janaishe.
Add Comment