Bigg Boss 14: Sidharth Shukla para special role lobo

New Delhi: September 14, 2020. Salman Khan laga fans para reality show Bigg Boss 14 saboli mon hoikena roki ase. Show toh September moina te soruh hoboli thakishe hoile Mumbai te paani kera nemite rokai thishe aro postponed hoishe. Etu show bona manuh khan para olop din agae te promos toh thikaina ase etu para fans khan besi kushi paikena ase. Aro etai, final kotha toh ke darik te thikabo roki ase.Notun khobor hesab te, show bona manu khan para notun season toh Television te October 3 darik te thikaboli koishe. Etu samay, Sidharth Shukla, kuan para Bigg Boss season 13  te trophy othaishe, tai para etai season te tangor role loboli ase koishe. Olop din agae te kowah neshina Bollywood superstar Salman Khan para October 1 darik opening episode toh shoot koribo. Show bona manuh khan para etu fesla loishe. Bigg Boss 2020 saal laga Grand premiere episode toh ek din agae para shot korishe.  Ekta fan page te khobor toh Instagram te shared korishe ke, episode toh 9 PM te thikabo aro weekend episode toh 10.30 PM. Te thikabo. Sidharth laga role kotha kora samay, tai para BB14 contestants khan ke sabo aro tai khan laga kam hesab te fesla toh junai thibo. Peepingmoon te khobor ekta para koishe ke, “show te Sidharth laga role toh season’s theme – ‘Karara Jawab’ logot melibo. Tai para contestants khan ke bahar para sabo aro kam hesab te felsa toh janai thibo. Show bona manuh khan para actor logot format laga kotha kori ase aro etu beche finalized korikena jolti para junai thibo. Etu samay, koishe ke, Shehnaaz Gill toh Bigg Boss 2020 saal te first special guest thakibo aro tai para be koriboli manishe koishe.