New Delhi: September 14, 2020. Veteran Odia film actor Ajit Das, Sunday din te private hospital para morishe koikena tai laga ghor manuh para koishe. September 1 darik te tai ke COVID-19 hospital te admitted korishe. Hoilebi, authorities khan para tai ke bemar para morishe junai thiboli ase koishe. Desh laga neem hesab te, ek jun manuh laga COVID-19 bemari toh government aro local authorities khan para nohoile koboli napare koishe. Ajit Das toh 71 umer thakishe, aro tai para jarikena jaa khan toh maiki aro tinta(3) chukori ase koishe. Odisha Chief Minister Naveen Patnaik, Union ministers Dharmendra Pradhan aro Pratap Sarangi aro dosura manuh besi para tai mora oper te mon dhuk kora junai thishe. Das toh National School of Drama para tangor korishe, etu samay Das para 60 oper Odia films te act korishe aro films be besi bonashi. Tai boila te, Utkal Sangeet Mahavidyalaya, Bhubaneswar te be drama te head of the department thakishe koishe. Das toh 1949 saal te jonom korishe aro tai laga first film toh ‘Sindura Bindu’ (1976) te thakishe. Tai popular howah toh film neshina- ‘Hakim Babu’ aro Tundabaida’ 1980s saal act kora ase aro etu film te lead role te loishe. Das laga last film toh ‘Ishq Puni Thare’ September 2019 te releases korishe. Actor Bijay Mohanty mora beche tui(2) moina thakina tai mora ase. “Ajit Das mora nemite Odia film industry te tangor jenta hoishe aro etu bondh hoboli besi saal lakibo. Das ke Odisha laga cine lovers khan laga mon te hoita yaat thakibo” koikena Chief Minister Naveen Patnaik para mon dhuk kotha kowah samay junai thishe. Union minister Dharmendra Pradhan para be koishe ke, “Das laga kam para Odia cine manuh logot besi din kushi raki thishe. Tai morijaa nemite Odia film industry laga din toh kotom hoi jabo”. Union minister Pratap Sarangi para koishe, “Ajit Das mora nemite ami besi mon dhuk ase. Tai nathaka toh Odia film industry tangor nokson hobo”. State Congress president ari dosura manuh khan para be veteran actor mora oper te mon dhuk janai thishe.
Add Comment