Agencies, 15 September: COVID-19 pandemic gama hoi thaka nemide besi team para hisha nalobole juna logode Badminton World Federation (BWF) para Tuesday te Thomas aro Uber Cup postpone kori deshe. Poila tut oh Aarhus, Denmark jaga te October 3 para 11 direk tak lobole scheduled kora thakise. Badminton federation para etu opor te statement deya te koise, event reschedule nemide tusara date nemide shai ase koi kena etu toh aha sal he lobole paribo koise.
Friday te hisha nalobo nemide Indonesia aro South Korea khan Thailand, Australia, Chinese Taipei aro Algeria logode join howa thakise kelay koile khatara bemari (COVID19) nemide. Etu khobor toh Sunday din ekta v irtual emergency council meeting te sport laga governing body para janaideya laga ase.
Badminton World Federation (BWF) para kotha kora kori kena aro local host Badminton Denmark logode mana bechide BWF para BWF Thomas & Uber Cup Finals 2020 toh postpone koribole nemide gara fesla loise.
Etu fesla ola toh besi hisha loi thaka team khan TOTAL BWF Thomas aro Uber Cup Finals aro European leg laga HSBC BWF World Tour para olaijabole fesla lowa bechide ase.
BWD toh World Men’s aro Women’s Team Championships lobole nemide tusara para direk nemide shai ase oilebe 2021 naowa tak lobole dates toh nai.
Indian badminton star Saina Nehwal para pandemic laga middle te event te hisha lobole opor te monchinda kora janaishe. Ace shuttler para Sunday din tweet te tournament toh aji kali laga situation te lobole paribo na naparibo hota thakise.
Hoilebe BWF para World Tour Event, Denmark Open toh scheduled hosaab te October 13 para 18 direk tak lobole agae jabo koise.
Add Comment