Agencies, 15 September: Forbes para list ola hisaab te, Messi para etu sal sob melikena gama toh $126 million ase. $92 million toh tai laga salary para ase aro $34 million toh endorsements para ase.
Aro Cristiano Ronaldo toh $117 million gama logode second jaga te ase.
Neymar toh $96 million para third jag ate ase aro tai laga Paris St Germain team mate Kylian Mbappe toh ($42 million para fourth jaga te ase.
Premier League toh world’s richest domestic soccer league ase hoilebe khali tuita outfield players toh wealth table laga top 10 te ase. Liverpool’s title-winning striker Mohamed Salah fifth spot ($37 million) te aro Manchester United’s midfielder Paul Pogba ($34 million) sixth jaga te ase. Pogba’s team mate, keeper David de Gea ($27 million) toh 10th jaga te ase.
Barcelona’s Antoine Griezmann toh seventh jaga te aro Real Madrid’s Gareth Bale toh eighth jag ate thakise. Bayern Munich striker Robert Lewandowski toh ekala Bundesliga player ase ninth jaga te thaka.
Messi para aro tusara season nemide Barcelona te thakibole manishe. Etu toh ektum thakibole mon nahowa laga ase. Tai toh Champions League te Bayern Munich logode 8-2 te hara becide ektum kushi napai kena Barcelona charibole janaide thaka ase. Messi toh tai laga contract laga final sal ase. Etu para tai toh next summer para charibo nemide free hobole ase.
Add Comment