China para Coronavirus Vaccine November te olabo

Beijing: September 15, 2020. China te coronavirus vaccines bonai thaka toh general public khan logot November moina te paijabo, koikena China laga Centre for Disease Control and Prevention (CDC) para junai thishe. China te charta(4) COVID-19 vaccines clinical trials toh final stage te jaiase. Tinta(3) para toh essential workers khan logot emergency samay jaboli thibo koikena July moina te koikena ase. Phase 3 clinical trials bhal para jaiase aro vaccine toh general public nemite November nahoile December moina te paijabo, koikena CDC chief biosafety expert Guizhen Wu para Monday din interview thaka samay state TV logot koishe. Guizhen Wu, para koishe, tai logot experienced ase aro jaa moina bhale eku abnormal symptoms thikanai, etu keli koile tai nejor April moina te vaccine toh experimental loishe, hoilebi kuan toh vaccine laga kotha korishe tai nam kowah nai. State pharmaceutical giant China National Pharmaceutical Group (Sinopharm) aro U.S.-listed Sinovac Biotech para state’s emergency use programme nemite tinta(3) vaccines bonai ase koishe. Charta(4) wala vaccine toh CanSino Biologics para bonai ase aro etu toh June moina te Chinese military khan para joboli June moina te approved hoishe. July moina te Sinopharm para koishe ke, Phase 3 trials kotom kora beche tai khan laga vaccine toh etu saal last pali public khan para joboli parehbo. Duniyaa te vaccine bona manuh khan para virus nemite bhal vaccine banaboli kujus koriase, keli koile te etu laga bemar para 925,000 manuh morikena ase. Western laga vaccine bona manuh khan para etu moina agae te wada korishe ke, scientific study standards toh rakibo aro kam kora samay political pressure toh hatabo.