Kangana para Urmila ke botnam korishe

Mumbai: September 18, 2020. Agae haft te, Kangana Ranaut toh motor-mok hoishe, tai napabi-kena kotha besi korishe. Olop din agae te veteran actor Jaya Bachchan oper te kotha korishe. Interview thaka samay, Ranuat para Urmila Matondkar logot ‘soft porn star’ matishe. Etu kotha toh para Kangana para interview te Bollywood drug connection laga kotha ola nemite Rangeela star(Urmila) para botnam thishe.  Kangana para koishe ke, Urmila ke tai laga kam para nejani hoilebi “dosura para jani” aro Pinjar star toh ketai hoilebi (political) party laga hath para ticket paijabo koishe. Celebrities besi manuh para Urmila ke support korishe. Swara Bhasker, Anubhav Sinha, Farah Khan Ali, Pooja Bhatt aro dosura manuh khan para Kangana lagan am toh lowah nai hoilebi tai khan para Urmila ke kushi paa janai thishe. Kangana para Sunny Leone oper te be kotha koishe aro tai ke ‘fake feminists’ mathishe. “Liberal group ekta para koishe ke Sunny Leone neshina toh ami khan laga role models nahobo lage, hoilebi tai ke industry aro India sob para ekta artist mani”, tai koishe. Etu samay, manuh khan para Urmila ke support korikena ahiase, aro konuba manuh para Kangana oper te be kotha korishe.