ABCD actor Kishore Shetty logot drugs thurishe

New Delhi: September 19, 2020. Mangaluru Police para tui(2) jun manuh ke drugs logot thurishe. Ek jun toh dancer aro choreographer Kishore Shetty ase koishe. Tai toh Bollywood film ABCD: Any Body Can Dance te be kam korishe. Dosura manuh thura toh Aqeel Nausheel ase. Tai jun ke thura samay, MDMA — methylene dioxymethamphetamine bokina thakishe. Mangaluru Police Commissioner Vikas Kumar para koishe ke, MDMA powder toh Kishore laga hath te thakishe koishe. Aqeel Nausheel toh Suratkal para ase aro tai ke police para Mangaluru osor para thurishe. Khobor hesab para tai jun para drugs toh Mumbai para kenishe aro Mangaluru te bekai koishe. Drugs logot Bajaj Discovery Bike, tuita(2) mobile phones be thurishe. Police koishe ke, Aqueel toh bahar te safety officer kam kori thakishe aro Mangaluru te ek(1) agae te ahishe, aro tai Mumbai aro Bangalore para drugs keni thakishe. Mangaluru Police Commissioner Vikas Kumar para koishe ke, preliminary investigation samay dosura manuh khan be etu cases te shamil hoikena ase aro aha din te etu manuh khan logot action loboli koishe. Jaa rati, Aqueel Nausheel ke Suratkal para thurishe aro Kishore Aman Shetty ke Mangalore para thuirhse koishe. Tai jun oper criminal case lakai thishe aro konuba manuh ke investigate kori ase. Narcotic Drugs and Psychotropic Substances (NDPS) Act pithor te drugs beka aro lowah nemite case registered korishe koishe.