NCB para Deepika Padukone, Rakul Preet Singh, Simone, Karishmam, phone seize korishe

September 27, 2020. Narcotics Control Bureau (NCB) para Bollywood actors Rakul Preet Singh, Deepika Padukone aro tai laga former manager Karishma Prakash aro fashion designer Simone Khambatta logot Friday aro Saturday din te Bollywood actor Sushant Singh Rajput mora oper aro drugs case te sawal korikena, tai khan laga mobile phones be seized korishe. NCB para koishe ke, “Deepika, Karishma, Rakul aro Khambatta laga phones toh Indian Evidence Act pithor te seized korishe”. Etu kam toh Saturday din te Deepika aro Karishma logot besi deri sawal kora beche thakishe. Enforcement Directorate (ED) para Deepika aro tai laga former manager 2017 saal te drugs nemite kotha kora jana beche NCB para case registered korishe. Rakul aro Khambatta laga phone toh seized korishe, keli koile tai jun Rhea Chakraborty laga close friends ase koishe.