James Cameron: ‘Avatar 2’ bona kotom aro ‘Avatar 3’ hoboli ase

September 28, 2020. Veteran filmmaker James Cameron koishe ke, besi din para roki thaka “Avatar 2” bona kotom hoishe aro team khan para be film laga third installment permit paishe koishe. Entertainment Tonight hesab te Cameron para 2009 blockbuster follow-up films toh Arnold Schwarzenegger  logot Zoom interview  samay share korishe. 2020 Austrian World Summit thakiboli agae te kori thishe. “Avatar” toh, etu saal New Zealand te bonai thakishe, hoilebi coronavirus bemari nemite film bona toh rokishe. June moina te New Zealand toh coronavirus-free ase koikena junai thishe aro etu beche film bona soruh koribo nemite permission lokena hosari thakibo koishe. “COVID para manuh logot marishe. Ami khan ke be besi jor para marishe. Ami khan char(4) moina neshina film bona noksen hoishe. Etu nemite film release hoboli ek saal neshina lobo aro December 2022 saal te hobo”, koikena Cameron 66 umer, para junai thishe. Etai ami khan New Zealand te shooting nemite ase, baki kam koribo ase. Kam toh 10 per cent neshina pachikena ase. Aro  ‘Avatar 2’ 100 per cent kotom hoishe, aro Avatar 3’,” toh 95 per cent kotom hoikena ase” director para aro koishe. “Avatar 2” toh December 17, 2021 saal te olaboli thakishe, hoilebi December 2022 saal te release hobo. Etu moive te original stars neshina Sigourney Weaver, Sam Worthington aro Zoe Saldana, wabas ahishe aro etu oper te Actors Kate Winslet aro Cliff Curtis, notun samil korishe.