Actor Akshat Utkarsh, ajanak para morishe

September 29, 2020. Bihar laga actor Akshat Utkarsh, Mumbai te ajanak para morishe koishe. Sunday rati September 27 darik te hoishe. Khobor hesab te, Akshat toh ahibo din laga actor thakishe aro tai toh Muzaffarpur,  Sikanderpur chaka para Mumbai te acting nemite ahishe. Actor laga ghor manuh para kowa toh tai ke morai deya ase. Actor laga uncle Ranjit Singh para statement te koishe ke, Akshat para tai laga baba logot etu rati 9 samay kotha korishe. Hoilebi, olop bechete tai toh morishe koikena asorit khobor  paishe. Akshat laga ghor manuh para koishe, Mumbai police khan para motob natikena FIR be koriboli deya nai. Tuesday pujur te Actor laga ghor manuh para tai ke Patna Airport te uthaishe. Etu samay, khobor toh aro roki ase. Etai dak te etu cases toh  Sushant Singh Rajput laga case neshina ase koishe. Akshat morai khobor honai sath te, manuh khan social media te jaikena Industry te bahar manuh ke elaj deya laga sawal korishe