PCB para ek moina contracts deshe

Agencies, 04 October: Pakistan Cricket Board para ek moina contracts toh senior national team players Wahab Riaz, Mohammad Hafeez, Mohammad Aamir, Shoaib Malik aro Kamran Akmal ke deshe. Etu toh tai khan para annual full season domestic contract te sign koribole namana bechide ase.

Ek moina laga contracts toh National T20 Championship suru nahowa agae te deshe. Kelay koile senior player khan Multan aro Rawalpindi te tournament logode laga te hisha lobole paribole nemide.

Players ke phal para jani kena thaka ekta source hisaab te, senior pros khan toh full domestic contract te konbah clauses te kushi napai kena ase.

Source koise, clauses para players laga right independent fesla tai khan laga career nemide aro tai khan laga gama options nemide rokhai.

Hoilebe etu bechide PCB para etu players khan ke ek moina laga contract toh National T20 Championship nemide deshe aro tai khan etu te sign korise.

Ek moina contract hisaab te, etu cricketers khan khali jai thaka National T20 Cup te hisha lobo aro tai khan ke tournament samai match fee aro daily allowance pabo.

Tai khan be etu phase samai te board’s media, anti-doping aro anti-corruption policy te manibo lakibo.

October 20 bechide tai khan nejor laga next course nemide manibo.

PCB para sob contracted players ke gara media guidelines deshe aro domestic players khan be social media te kotha koribole nemide board laga akiya lakibo.

Source koise, “notun media guidelines te players khan PCB’s Director of High Performance Centre, team manager nahoile media manager para akiya powa bechide he media nahoile social forum te kotha koribole paribo. 

Guidelines te be player khan ICC/PCB’s policies te kelaaf kora, aro etu laga officials aro sponsors, retired international cricketers aro poila laga board management nahoile nejor para ola private Youtube channels te nemide gara para bondh korise.

Tai khan be private television channels te guest nahoile expert te naola agae te PCB para akiya lakibo.

Sob melikena 192 players ke season nemide domestic cricket contracts toh alak alak categories te deshe.