UAE te Nov 4-9 darik te Women’s Challenger series thakibo ase

October 7, 2020. Besi din para roki thaka Challenger series aro etu ke Women’s mini IPL be koi, United Arab Emirates te November 4 para 9 darik dak keliboli ase koikena senior IPL official para Wednesday din te junai thishe. India te Women’s cricket toh COVID-19 bemar nemite rokina ase aro BCCI te botnam besi paikena ase, hoilebi president Sourav Ganguly para koishe ke, tinta -team tournament toh thakibo aro etu kotha toh senior official kaun khan etai UAE te ase, tai khan para fesla loishe. “hoi tournament laga darik toh fesla hoishe aro November 4 para 9 darik thakibo. Tinta teams Trailblazers,Velocity aro Supernova pithor te  single round robin league kelibo. Charta matches toh be kelibo” koikena senior IPL official privy para PTI logot janai thishe. Final toh November 9 darik te kelibo. Jaa hafta te, BCCI para junaise ke, notun women selection panel toh former left-arm spinner Neetu David  pithor te junishe aro tai ke three squads toh uthabole koishe. Khobor para koishe ke, teams khan toh October second week te UAE te jabo, aro tai khan choi(6) din quarantinete thakibo koishe. “maiki khan toh besi din training thaka nai etu para tai khan ke damay thibo”, koikena source para koishe. Australia aro England khan laga top players toh Women’s Big Bash League (WBBL) thaka nemite aro etu oper tai khan contracts be signed korikena ase aro ahiboli naparibo koishe. Tinta Indian players Shafali Verma, Smriti Mandhan aro Harmanpreet Kaur toh WBBL te ahiboli bapana ase hoilebi tai khan toh poisa karne nahoi koishe. Etu charta(4) matches toh Sharjah aro Dubai te thakibo ase koishe.