New Delhi: October 8, 2020. Rhea Chakraborty 28 din Byculla Jail te thaka beche, Bombay High court para bail thishe. Sushant Singh Rajput family laga lawyer Vikas Singh aro tai laga team para CBI director logot lekishe ke, medical team khan para aro re-examination koriboli koishe. Team para report toh kolti ase koishe. Wednesday din te CBI para actor toh morai deya nahoi naa suicide para mora ase koishe. Etu bechete, federal agency khan Mumbai te khobor loboli jaishe. CBI source para koishe, Sushant mora oper te investigation toh sob chaka para koriase. “investigation demand kora hesab te. Team nohoile officers khan Mumbai te jaikena sabo aro etu samay Mumbai branch laga agency officers be thakibo lage”, koikena source para koishe. Etu samay, Wednesday din te, Bombay High Court para Rhea Chakraborty ke bail deya samay tai toh Narcotics Control Bureau (NCB) para kowa neshina drug case te samil nai koishe.
Add Comment