Sushant laga sati Samuel Haokip ke thamki dishe

October 11, 2020. Late Bollywood actor Sushant Singh Rajput laga sati Samuel Haokip logot ‘SSR warriors’ koikena, tai khan para messages kora nemite, Haopkip para complaint filed korishe. Message te tai ke suicide laga thamki korishe. Haokip toh Manipur manuh ase, tai cyber cell logot complaint toh filed korishe. Instagram account te Samuel para tai ke kotha beya kowa toh screenshot loikena shared korishe aro tai laga complaint toh registered hoishe. Sushant Singh Rajput laga sati ekta para Samuel logot direct message Instagram te deya toh “ami kosom para koiase ke, tui regret koriboli samay be nathakibo!” “suicide hoboli ready thakibe, @jamlenpao !!! tumi ke mafia khan para pachabo parey, hoilebi, duniyaa laga takot logot toh komjur hobo!! Janibe ektem katara hackers khan ami khan logot ase! Tai aro lekishe. Samuel laga jawab toh, “ami IPC aro IT Act,2003, pithor te Cyber Cell aro tumi laga  IP Address oper te FIR file koribo”. Samuel para warning kora beche, etu sati para aro lekishe ke, “tumi ami logot aro dosura SSR warriors khan logot action loboli parebo hoilebi etu para tumi aro besi tangor dhuk te jabo!” koishe.