Agencies, 12 October: Abu Dhabi T10 League laga fourth edition toh aha sal January 28 para February 6 tak lobole ase. Etu te eight teams toh Sheikh Zayed Cricket Stadium te championship title nemide fight kora thakibole ase. Etu khobor toh Monday te janaideya laga ase.
Shaji Ul Mulk toh T10 Sports Management laga founder aro chairman ase. Tai koise, jaija tin sal te, 2017 sal Sharjah Cricket Stadium te T10 League suru kora bechae para, T10 League toh ahishe aro manishe fastest growth aro most popular cricket format hisaab te. T10 League toh etiya International cricket leagues bechide ektum lakiya ekta ase. Etu nesana popularity logode Abu Bhabi para fesla korise five sal nemide host koribole aro etu te major government bodies melikena tournament te hold koribole aro support koribole melishe.
International Cricket Council (ICC) laga purana CEO, Haroon Lorgat ke toh T10 Sports Management para director for strategy and development nemide junishe. Etu toh ten-over format cricket worldwide te growth aro development te lead koribole nemide ase.
Tai laga notun role te, Lorgat para Mulk ke T10 cricket nemide growth strategies opor te samjaidebo. Tai para be Abu Dhabi T10 League worldwide toh pariya alak alak desh te besi T10 leagues thakibole laga aim te othabole koribo. Tai toh key stakeholders logode melibo league promote koribole nemide aro duniya te T10 cricket bonabo nemide tai khan logode kaam koribo.
Lorgat toh ICC CEO nemide 2008 to 2012 tak jar sal nemide kaam korise.
ICC te tai laga term bechide, tai Sri Lanka Cricket (SLC) aro Pakistan Cricket Board (PCB) te consultant hisaab te motob korise. July 2013 te, tai ke toh Chief Executive of Cricket South Africa (CSA) nemide junishe aro CSA laga status arobona nemide kushi powa janaishe.
Add Comment