Armenia Fund te Kim Kardashian para USD 1 million donate

October 15, 2020. Reality TV star aro business maiki Kim Kardashian para desh te larai besi hoi thaka nemite USD 1 million, Armenia Fund te thiboli kosom korishe. Kardashians laga baba toh Armenian manuh ase koikena, etu khobor toh Instagram video te janai thishe. “ami aji duniyaa para motob kora samay thaka toh besi kushi ase  @armeniafund. Ami Armenia aro Artsakh laga situation kotha kori thaka ase aro dhuk samay hosari aniboli manuh logot koi thakishe, tai para koishe. “ami kam nemite $1M donate kori ase aro tui khan be join ami logot join hoboli koi ase. Jodi tui khan hoshari koikena aro social media te khobor deya para nahoile olop $1 donate kora para motob ase” tai aro koishe. Etai Azerbaijani aro Armenian forces pithor te larai kori thaka toh September 27 te soru korishe, etu nemite Nagorno-Karabakh chaka te hazar manuh khan morikena ase. Etu chaka toh Azerbaijan chaka te ase hoilebi Armenian forces logot Armenia para motob korikena control te ase, etu agae te 1994 saal te larai korikena rokishe. Fund para humanitarian organization ke support korikena, Nagorno-Karabakh chaka etai Artsakh koi, thati Armenia khan logot motob thibo nemite ase. Kim laga didi Kourtney Kardashian aro Khloe Kardashian para be organization logot motob thishe aro fans khan ke donate koriboli janai thishe.