‘Goldfinger’ actress Margaret Nolan morishe

October 15, 2020. Margaret Nolan, actress aro artiste, kaun para 1964 saal te James Bond film “Goldfinger” te olaishe, tai 76 umer te morishe. Tai October 5 darik te morishe, koikena tai laga chokra Oscar Deeks para Variety te junai thishe. Director Edgar Wright para Nolan ke saman dishe aro Twitter te koishe ke, “tai toh 60s saal samay Venn diagram laga majot te thakishe, tai Beatles khan logot be olaishe, aro Bond te  iconic ase aro ‘Carry On’ cast te be thakishe,” Edgar Wright para lekishe. Nolan toh model para soru korishe, tai ke 1960s samay Vicky Kennedy koikena tai ke jani thakishe, hoilebi, acting kora soru beche tai lagan am te botli korishe.Tai, The Beatles’ band film “A Hard Day’s Night” 1964 saal te be olaishe aro film “Goldfinger” te Bond laga khobor deya manuh Dink nam te olai. Tai 1980s saal te acting para rokishe, etu beche 2011 saal te Yvonne Deutschman’s “The Power Of Three” te Dame Margaret te ahishe. Olop thaka beche, tai Spain te permaculture te mon thikena photo montages kam te samil hoishe. 2019 saal te Wright laga film “Last Night In Soho” te role loishe. Nolan para jarikena jaa toh tuita chokra ase, ekta Oscar Deeks, cinematographer ase aro dosura toh Luke O’Sullivan ase. Tai laga tuita grandchildren be ase koishe.