India first Oscar winner Bhanu Athaiya morishe

October 16, 2020. Manuh sob para jani thaka costume designer aro India laga first Oscar winner, Bhanu Athaiya, tai laga ghor Mumbai te Thursday din besi theri bemar hoikena morishe. Tai laga umer toh 91. Athaiya, para tai laga kam te Oscar jetai toh epic film Gandhi ase. Tai homa samay morishe, koikena tai laga chokri Radhika Gupta para junai thishe. “tai aji pujur te morishe. Ath(8) saal hoishe ke, tai brain te tumour thakishe. Jaa tin(3) saal para tai laga ek body toh paralysed howa nemite besi te thakishe,” Radhika para koishe. Athaiya toh Kolhapur te jonom paishe aro 5 saal kam korishe. Tai laga jevaan toh Hindi cinema te Guru Dutt’s 1956 superhit “C.I.D.” te costume designer para soru hoishe. Tai kam korikena jaa samay 100 films neshina te kam korishe. Tai aro Richard Attenborough’s Gandhi te Ben Kingsley (Mahatma olaishe) aro John Mollo logot thakishe. Etu te tai Academy Award for Best Costume Design paishe. Mahatma Gandhi laga nam tangor biopic toh Oscar te 8 awards jetishe.Industry te thaka manuh khan para social media te Bhanu Athiya mora te saman dishe aro tai nemite film industry aro Indian cinema international nam tangor paishe. Aamir khan para Twitter te Athiya laga kam yaat korikena lekishe ke, “Bhanuji tumi ke yaat thakibo. Ami laga mon dhuk ghor manuh ke janai ase”. Athiya para Amir Khan logot Lagaan film te kam korishe, etu samay tai nation award jetishe.