Actress Rhonda Fleming morishe

October 18, 2020. Hollywood actress Rhonda Fleming, 97 umer te morishe. Actress toh 1940s aro 1950 saal te besi hits thakishe. Tai Wednesday din Santa Monica, Califirnia te morishe, koikena tai laga secretary para janai thishe. Kenaka morishe etu khobor toh nai, metro.co.uk para janaishe. Fleming para 40 films oper te act korishe, etu oper te- “Spellbound” (1945), “Out Of The Past” (1947), “A Connecticut Yankee In King Arthur’s Court” (1949) aro “Gunfight At The O.K. Corral” (1957) ase. Tai 16 saal umer thaka samay Hollywood agent Henry Willson para thekina, tai ke “Gone With The Wind” producer David O Selznick logot janai thishe Late actress ke interview ekta te yaat kora toh: “ajanak para manuh khan neshina Mr. Selznick office te ahikena saina bohishe. Ami koishe, ‘tai khan ke nemite saiase, Henry? ‘kai thakibe’. Ajanak para ek jun manuh Henry logot ahikena tai laga kaan te koishe ke, ‘screen test koribo kam nai, ami khan tai ke sign koribo’. Koishe. Acting jarikena, tai toh gaana koriboli te be besi bhal ase “A Connecticut Yankee In King Arthur’s Court”. Tai laga sunder nemite nightclub star te hoishe aro tai ke Las Vegas, 1957 saal te christen the Tropicana Hotel te be junishe. Tai laga last film te ola toh spy comedy “The Nude Bomb” thakishe, etu film toh 1980 saal te released hoishe. Tai last act kora toh 1990 saal kata ekta film “Waiting For The Wind” film thakishe. Fleming para jarikena jaa toh bacha Kent, stepchildren Candace, Cindy, Jill aro Kevin, granddaughters Kelly aro Kimberly, five great-grandchildren aro tuita great-great grandchildren, khan ase koishe.