Agencies, 21 October: Tuesday Indian Premier League kheli te Shikhar Dhawan laga century toh kaam nathaka hoija thakise kelay koile Kings XI Punjab para Delhi Capitals ke five wickets para jeta nemide. 165 te ketha te, Kings XI toh komchor para suru howa thakise aro tai khan laga opening pair KL Rahul aro Mayank Agarwal ke joldi lost howa thakise. Chris Gayle be powerplay over te pithor te joldi chara thakise hoilebe “Universal Boss” para tai thaka toh bonaishe aro tai para Tushar Deshpande laga first over te tinta jarta aro tuita sixes mara thakise. Nicholas Pooran toh kaal laga half-century logode chara thakise. Tai toh Glenn Maxwell logode partnership korikena kaam laga 69 runs bona thakise.
Last te Punjab nemide jet lowa toh Jimmy Neesham thakise. Tai para ekta six para thakise ketiya toh ekta ball bachi kena kothom kora thakise. Din time te, Delhi opener Dhawan toh tai laga imperious form te thakise. Tai second century toh jai thaka edition te kothom kora thakise. Left-hander para Delhi innings toh out nahoikena 61 balls para 106 te kothom korise. Etu para side nemide board te challenging 164/5 bona te motob korise. Etu ton logode, Dhawan toh IPL te par-par tons mara first batsman hoise.
Add Comment