Agencies, 30 October: Manchester United defender Alex Telles ke novel coronavirus nemide positive test olaise. Etu khobor toh manager Ole Gunnar Solskjaer para confirm korise. Telles toh Wednesday din tai khan RB Leipzing kelaaf 5-0 jeta te hisha thaka nai. Etu agae hapta tai khan toh Chelsea kelaaf 0-0 te draw howa thakise. Hoilebe Solskjaer para Champions League jet bechide left-back toh bemari nemide hisha thakibole para nai koikena janaishe.
Solskjaer para MUTV te koise, tai ke coronavirus nemide positive test olaise. Hoilebe tai ke symptoms nai, tai phal para ase aro ami khan tai korai ahibo nemide rokhi ase koise.
Telles toh etu moina agae te, deadline din United te join howa thakise aro last hapta Paris Saint-Germain kelaaf 2-1 jet te ektum phal para ola (debut) thakise.
Etu Brazilian toh Portuguese outfit Porto para signed howa laga ase aro tai Parce des Princes jag ate 67 minutes khela thakise.
United laga jet Leipzing kelaaf te kamiyaab howa para tai khan tuita game bechide Group H laga top ponjishe, Paris-Saint Germain (PSG) aro PB Leipzing para tinta points agae thakikena.
Add Comment