November 1, 2020. Actor Sean Connery, James Bond original act kora manuh 90 umer te morishe. Sean laga chokra Jason Connery para Saturday din BBC logot koishe ke, tai laga baba toh Bahamas te homa samai morishe, tai “olop din halta beya” thakishe. “ami khan tai mora nemite ke kam koribo ase sai ase”, tai koishe. Tai laga baba mora toh duniyaa manuh nemite besi tangor nokson ase. Tai actor howa toh sobse bhal gift thaka ase’. Connery toh 2000 saal te Sir Sean hoishe. Tai laga jevaan pur te tangor-screen te alag-alag awards besi paishe, etu oper te Oscar, tinta Golden Globes aro tuita Bafta awards be paishe. Connery toh 1930 saal Edinburgh te jonom paishe aro tai 16 umer thaka samai Royal Navy ten am thakishe, hoilebi tin saal thaka beche medical grounds te kam jarishe. Tai stomach uler bemar thakishe. Etu beche tai bricklayer, lifeguard, aro coffin polisher be korishe. Tai bodybuilding kora nemite Mr Universe competition te jaishe. Sati khan para acting te samil loboli koishe, etu beche tangor kamyaab hoikena 1962 saal te Bond “Dr. No”, tai laga first film. Tai 1963 saal te “From Russia With Love”, “Goldfinger” (1964), “Thunderball” (1965), “You Only Live Twice” (1967) aro “Diamonds Are Forever” (1971) te act korishe. Etu khan beche 1983 saal te “Never Say Never Again” bonaishe.
Add Comment