Agencies, 07 November: Friday te Sports Ministry para Rs 5 lakh toh mora India footballer Manitombi Singh laga family nemide sanction korise. Etu toh tai khan laga finance te dekthari powa te motob pabole laga aim para ase.
Defender Manitombi toh August moina Imphal te lamba samai bemari para dukh pai kena mora thakise. Aro tai toh tai laga family te ekala gama manu thakise aro tai toh tai laga parents, maike (wife) aro eight sal moda bacha logode thaki thaka ase. Manitombi toh ekta former Mohan Bagan player ase aro tai toh India nemide 2002 LG Cup, Vietnam te khela thakise aro tai be 2002 Busan Aisan Games national team laga hisha thakise.
Tai bemari howa opor te toh najani kena ase aro tai laga family members para be eku details share kora nai.
Felsa opor te Sports Minister Kiren Rijiju koise, Manitombi para Indian football te motob korise. Tai para be Manipur te ekta coach hisaab te motob korise. tai mora toh sporting community nemide loss ase.
Rs 5 lakh laga grant sanction kora toh sportspersons nemide Pandit Deen Dayal Upadhyay National Welfare Fund pithor te sanction korise.
Ministry para athletes khan ke poisa para motob lakiya te etu funds para motob kori ase.
Add Comment