November 8, 2020. Aactor, author, theatre personality aro writer, H.G. Somashekara Rao, Tuesday din private hospital para morishe. Tai 86 umer thakishe aro pura howa nemite morishe. Somanna para jarikena jaa manuh toh tai laga maiki aro tui(2) jun bacha ase. Tai laga baba toh freedom fighter Harihar Gundu Rao thakishe. Somanna toh Chitradurga district para ase. Tai laga chotu bhai toh veteran film actor, Dattanna thakishe aro tai be jaa hafte te morishe aro tai laga bhoni be morikena ek moina neshina hoishe. Tai laga family friends khan para koishe ke, Somanna toh tai laga ghor manuh sob mora nemite besi mon dhuk thakishe. Khobor para koishe ke, tai hotai elaj nemite private hospital jai thaka samai heart attack hoishe. Somanna laga Kannada films toh – ‘Accident’, ‘Mithileya Seeteyaru’, ‘Minchina Ota’, ‘Savithri’, ‘Harakeya Kuri’ aro besi ase. Tai para film ‘Harakeya Kuri’ 1992-93 saal samai motob kora nemite state award be paishe. Tai first Kannada film bona toh film ‘Savithri’ te actor Anil Thakkar logot 1981 saal te thakishe. Tai toh Abhinaya Taranga, theatre school te principal aro chairman korishe. Tai actor ekla nahoina Canara Bank te be kam kori thakishe aro Canara Bank te kam kora manuh khan logot music training thishe. Sandalwood fraternity khan para veteran actor mora oper tem on dhuk janai thishe. Director Kiran Raj para Somanna logot ‘777 Charlie’ te kam korishe.
Add Comment