Chelsea jetishe Sheffield United kelaaf
Saturday English Premier League te Chelsea 4-1 para Sheffield United kelaaf te jetishe. Chelsea nemide Tammy Abraham, Ben Chilwell, Thiago Silva aro Timo Werner para goal deya thakise. Aro Shelffield United nemide ekta goal toh David McGoldrick para deya thakise.
Southampton jetishe Newcastle kelaaf
Southampton para Newcastle kelaaf 2-0 para jetishe Saturday te. Southampton nemide Che Adams aro Stuart Armstrong para goal deshe.
Manchester United jetishe Everton kelaaf
Man United 3-1 para Everton kelaaf te jetishe. Man United nemide Bruno Fernandes para tuita goal aro Edinson Cavani para ekta goal deshe. Everton nemide ekta goal Bernand para deshe.
Crystal Palace jetishe Leeds United kelaaf
Crystal Palace 4-1 para Leeds United kelaaf te jetishe. Crystal Palace nemide Scott Dann, Eberechi Eze, Heider Costa (OG) aro Jordan Ayew para goal deshe. Leeds United nemide ekta goal toh Patrick Bamford para deshe.
West Ham jetise Fulham kelaaf
Sunday te West Ham aro Fulham majode khela te West Ham 1-0 score para jetishe. West Ham nemide ekta goal toh Tomas Soucek para ana thakise.
Premier League laga points table te Southampton toh jarta sob match te jetikena aro 16 points para top te ase. Southampton nejae te Liverpool ekta match harikena (16 points) aro Chelsea sob tinta match jetikena (15 points) ase.
Add Comment