November 8, 2020. Bangladesh laga capital Dhaka te transgenders khan nemite Madrasa (college) kulishe. Besas as eke etu kam toh first Muslim manuh besi thaka desh te soruh kora ase. Etu Islamic school, Dawatul Quran Third Gender Madrasa, Lohar Bridge Dhal, Kamrangirchar te kushi umer para 100 students neshina puriboli paribo, koikena bdnews24.com para khobor toh janai thishe. Friday din te inauguration samai, 40 transgender manuh joined korishe. Etu oper te Islamic be hekabo. Madrasa (college) authorities khan para transgender khan nemite alag technical education department be kuliboli bapana te ase koishe. Government para 2013 saal te policy toh bonaikena Hijra community manuh khan ke “third gender” manishe. Election Commission para be transgender manuh khan ke “third gender” voters ase koikena registration thiboli manishe. Tai khan toh election te be samil thakishe. Madrasa laga 10 jun trainers pithor te ek jun Abdul Aziz Husaini, para koishe ke, duniyaa sob te aji laga din toh yaat thakiboli laga din ase, keli koile transgender manuh nemite first Islamic school kuli thishe, koikena news website para janishe. Hijra Kalyan Foundation laga president Mitu para koishe, transgender manuh khan toh jodi kam paishe koli le sob chaka te manibo. Nishi, 27 umer transgender, Bikrampur chaka para koishe ke, tai school aro moktob(Islamic school) te bacha thaka samai jaishe, hoilebi kaun para be school aro moktob te ahiboli mana korishe, manuh para tai transgender ase jana nemite. “ami 5-6 umer thaka samai ghor jarishe aro madras ate besi saal thaka beche aro jaiase. Etu nemite ami besi kushi ase” tai koishe. Tai para aro koishe ke, makeup aro kapra bonaboli kushi pai,aro jodi moka paile toh tai etu kam koribo mon ase.
Add Comment