Ukraine: Chaku hamlaa te 2 jun morishe, 8 jun jokom

Kiev, Ukraine: November 8, 2020. Saturday din Ukraine te manuh ek jun chaku para hamla kora te tui(2) jun morishe aro 8 jun jokom paishe, etu pithor te 8 saal umer bacha be shamil ase, koikena police para janai thishe. Desh laga President para etu hamla toh kam beya thakishe koishe. National police para statement te hamla toh Kryvyi Rig laga industrial city te howa ase koishe. Hamla kora manuh toh 37 umer ase aro aro tai etu chaka laga manuh ase aro thurishe  koikena police para koishe. Ke nemite hamla korishe eku khobor thaka nai. President Volodymyr Zelensky toh be thati laga manuh ase aro tai para hamla kora toh terrorism laga kam ase aro manuh khan ke phui kelabo nemite thakishe koishe. May moina central Ukraine te, 7 jun manuh ke bantok para morai thishe, etu samai fishing trip te modu kaa beche olaishe. Puran Soviet desh te etu neshina kam kora toh besi komti ase koishe.