Scooby Doo bona Ken Spears morishe

November 10, 2020. Sobse nam tangor animated series Scooby-Doo bona manuh Ken Spears, 82 umer te morishe. Fox khobor hesab te, tai laga chokra Kevin para Variety aro Holloywood reporters khan logot Spears toh Friday din te moro khobor toh janaishe. Kevin Spears para koishe ke, “Ken para hasi thamali kora, kisa kowa aro ghor manuh logot morom kora aro kam ke mon deya nemite tai ke hotai yaat thakibo. Ken para ghor manuh ekla ke kushi deya nahoina ‘Scooby-Doo’ nemite manuh besi laga jevan te choishe. Ken para tai laga zendaki pur te role model kori ahishe, tai ke hotai ami khan laga mon te thakibo”. Spears para jarikena jaa khan toh- maiki, tuita chokra Kevin aro Chris, aro 5 grand-bacha aro 3 tangot grand-bacha, ase koikena Variety para janai thishe. Spears para animated series ‘Scooby-Doo, Where Are You!’ with Joe Ruby toh 1969 saal te bonaishe.  Hanna-Barbera Productions aro CBS nemite Ruby aro Spears para aro ‘Dynomutt’ aro ‘Jabberjaw’ bonaishe. Fox News para koishe ke, 1977 saal te ‘Ruby-Spears Productions’ koikena tai jun para nejor company bonaishe aro etu beche tangor shows neshina ‘Fangface,’ ‘Mister T,’ thakishe. Ruby-Spears para aro ‘Alvin and the Chipmunks’ aro ‘Superman’ be bonaishe koishe.