November 10, 2020. South Korean pop group BTS para 4 award paishe aro etu oper te best gaana “Dynamite” aro best group, Sunday rati MTV Europe Music Awards jetishe. Etu samai Lady Gaga para best artist prize jetishe. BTS para aro best fans aro best virtual live Bang Bang Con, paishe koishe. Sunday din etu show te duniyaa laga best gaana logot saman deya thakishe. Alicia Keys, Sam Smith, Doja Cat aro DaBaby khan para be gaana korishe. Girl group Little Mix para host korishe. Gaga sobse besi nomination thakishe, tai para Harry Styles, Justine Bieber, Dua Lipa aro Miley Cyrus khan logot harai thishe. Tai, best video award te harishe aro DJ Khaled laga “Popstar” paishe. Cardi B ke best hip hop award thishe aro Coldplay para best rock jetishe. Haley Williams best alternative paishe aro Little Mix ke best Pop paishe. Aro best Latin award toh Karol G jetishe, tai aro best collaboration “Tusa” te paishe, etu Nicki Minaj logot thakishe. David Guetta para best electronic jetishe. Singer-songwriter YUNGBLUD para best push paishe aro Doja Cat para logot best new artist saman dishe. Tin saal ase ke MTV EMAs para generation change award toh 5 maiki manuh kaun khan para duniyaa te social justice nemite larai kora para Kiki Mordi, Temi Mwale, Catherhea Potjanaporn, Luiza Brasil aro Raquel Willis logot award toh dishe.
Add Comment