Agencies, 16 November: Ahaibole Big Bash League (BBL) laga tenth edition December 10 te suru hobole laga te, Cricket Australia para tinta notun neom suru korise. Etu toh ‘Power Surge’, ‘X-factor Player’ aro ‘Bash Boost’ ase.
‘Power Surge’ te two-over period ase aro etu te fielding side toh khali tuita fielders inner ring laga pahar te manishe. Batting side para innings laga 11th over para kondu samai te hoilebe lobole paribo. Innings suru te powerplay toh four overs te namaishe.
‘X-Factor player’ toh team sheet te 12th nahoile 13th player naam korise aro first innings laga 10th over te game te ahibole paribo aro bat nahoile bowl koribole thaka player kon ke hoilebe putli koribole paribo aro etu toh ek over para besi nahobo.
‘Bash Boost’ toh bonus point ase. Etu para through second innings te midway debo. Target te chase kori thaka side ke bonus point award koribo, “judi tai khan opposition laga 10 over score para eki bonabole hoile”. Hoilebe judi tai khan trail kori ase koise, fielding side ke point pabo. Ekta team para etiya sob game te four points score koribole paribo. General te jeta khan nemide points wared toh poila tuita thaka para tinta points te othaideshe.
Add Comment