Agencies, 16 November: Five Indian Super League clubs toh AFC aro national licensing criteria te lok koribole fail hoise. Etiya tai khan Friday para event suru hobole laga te hisha lobo karni AIFF laga fesla potli koribole nahoile maaf koribole appeal koribole olabo.
Odisha FC, NorthEast United FC, Kerala Blasters, Hyderabad FC aro notun kusha Sporting Club East Bengal toh five clubs ase. Tai khan AFC te hisha lobole aro etu season national competitions te hisha lobole nemide AIFF para licenses powa nai.
FC Goa, ATK Mohun Bagan, Bengaluru FC, Jamshedpur FC, Chennaiyin FC aro Mumbai City FC toh 2020-21 season nemide AFC aro National licences pai kena ase.
Opor te janaideya club license napai kena thaka para Club Licensing Appeals Body of AIFF ke Club Licensing Committee (First Instance Body) laga fesla te kelaaf koribole appeal koribole paribo etu be deya samai te nahoile tai khan Club Licensing Committee para maaf pabo nemide appeal koribo pari koise.
Club kon hoile be AFC license napai kena thakise koile tai khan ISL para qualify hoise koilebe continental tournament AFC Champions League aro AFC Cup even nesana te hisha lobole naparibo.
Hotai sal konbah club nahoile tusara toh etu licenses pabole fail howa thaki hoilebe tai khan maaf pabole nemide shaa thaki.
Nineteen clubs para 2020-21 season nemide National aro AFC club licences te applied korise aro etu te eight toh I-League para ase.
Add Comment