November 18, 2020. Tuesday din te U.S. Food aro Drug Administration para koishe ke, ghor te jolaboli first COVID-19 self-testing kit toh manishe, etu test para result toh 30 minutes pithor te paijaboli koishe. Single-use test toh Lucira Health khan para bona ase aro etu nemite emergency samai choboli authorization thishe. Umer 14 para oper manuh khan COVID-19 bemari suspect thaka khan nasal swab loboli nemite ase koikena health care para kowa, FDA janai thishe.
“COVID-19 tests ghor para jolaboli manishe, etu first time as eke nejor para test koribo aro result toh ghor te paijabo,” FDA Commissioner Stephen para koishe. Etu saman toh hospitals aro care settings te jaolabo, hoilebi, 14 umer neje khan nemite toh health te kam kora manuh para samples toh othabo, koikena health regulator para koishe. Olop din agae te khobor bhal ekta Moderna Inc aro Pfizer Inc para koikena thaka toh bemari logot koriboli nemite vaccine bhal ase aro testing virus te rokabo nemite testing thakiboli lage koishe. “ghor te testing koribo nemite test bona manuh khan logot kam te motob koriboli sai ase” koikena FDA’s Center, Devices aro Radiological Health para janai thishe. Sunday din dak te United States te bemari cases toh 11million hoishe. 10 million pongchikena 8 din beche te howa ase koishe.
Add Comment