Agencies, 20 November: Loyem Memorial ground Tuensang te 28th Loyem Memorial Penalty Shootout toh 19th November 2020 te suru korise. Shootout programme te Kumar Ramnikant IAS Deputy Commissioner Tuensang toh Chief Guest thakise. Penalty shootout te 46 teams toh theme “Kick Social Discrimination” pithor te hisha ase aro etu toh Confederation of Chang Students’ Union para lowa laga ase.
Occasion te Chief Guest para organizing committee aro CCSU ke kushi powa janaishe kelay koile aji kali pandemic samai te enaka event toh proper SOP aro guidelines logode ola/lowa nemide.
Tai koise, theme te kowa toh ektum hosha ase. Disctimination toh manu laga sukhu logode thakae hoilebe sports laga form te discrimination te fight kora toh ekta phal spirit ase. Tai para sob hisha lowa teams ke team spirit logode khelibole koise kelay koile sports laga hosha spirit te kamiyaab hobo nemide. Tai para sob team ke guidelines aro SOP toh phal para manibole samjaishe kelay koile eki logode ami khan COVID-19 kelaaf kamiyaab koribole para nemide.
- Mongba, Convener LMT para be welcome address te LMT toh poila 27 sal para ekta senior soccer open championship hisaab te loi ase koise hoilebe 28th edition toh Penalty Shoot te namaideshe koise kelay koile aji kali dekthari samai dekthari powa nathakibole nemide.
Beti Bachao Beti Padhao exhibition matches toh Baptist Thangyen School vs Wela Foundation School and Holy Angels School VS Tuensang Village Sports Foundation para students maike khan khelishe.
Exhibition match te be DC Tuensang Team VS SP Tuensang Team majode khelishe.
Add Comment