Agencies, 21 November: Haitian football federation president Yves Jean-Bart ke toh Friday te sport para pura jevaan nemide bondh kori deshe. Kelay koile maike ke systematic sexual abuse laga charge nemide. FIFA ethics committee para Jean-Bart toh tai laga position te faida lowa aro alak alak maike players ke minors be melikena sexual harassed aro abused jani paise.
Tai para be 1 million Swiss francs ($1.1 million) fine deya thakise.
Jean-Bart para national team players ke mela bodhnaam opor te mananai. Bodhnaam kora toh first April te British newspaper The Guardian para janaideya thakise.
Abuse howa toh desh laga national training center, Croix-des-Bouquets te howa janishe aro etu jaga te “The Ranch” para janae aro etu te FIFA para fund te motob kora laga ase.
FIFA investigators para saboot jama kora samai tinta Haitian federation officials ke be kaam para suspend korise. Tin jun toh technical director Wilner Etienne, national center girls’ supervisor Nela Joseph, aro assistant coach Yvette Félix ase.
Bodhnaam kora janaideya bechae para, FIFA toh players laga safeguard nemide United Nations Office on Drugs and Crime logode agreement te kaam koribole wada korise.
Add Comment